Motivation

Symbiotic

Love

ಆತ್ಮವಿಶ್ವಾಸ

ಅಪ್ಪನ ೨೫ ಪೈಸೆಯ ಮಿಠಾಯಿ

ಆ ದಿನ, ಮಗಳ ಜೊತೆ ಹತ್ತಿರದ ಶಾಪಿ೦ಗ್ ಮಾಲೆಗೆ ಬೇಟಿಕೊಟ್ಟಾಗ, ಆ ಅಬ್ಬರದ ಬಣ್ಣ-ಬಣ್ಣದ ಅ೦ಗಡಿಗಳಲ್ಲಿನ ಪ್ರತಿಯೊ೦ದು ವಸ್ತುವು ಮಗಳ ಮನಸಿಗೆ ಅದು ತನ್ನದಾಗಬೇಕು ಎ೦ಬ ಗಾಡವಾದ ಭಾವನೆಯನ್ನು ಮೂಡಿಸುವಲ್ಲಿ ಯಶಸ್ವಿಯಾಗುತ್ತಿದ್ದ೦ತೆ, ಮಗಳು, ಅಮ್ಮನ ಜೊತೆಗೂಡಿ ಒ೦ದು ಮಳಿಗೆಯ ಸೇರಿದ್ದರು.

ಈಗಿನ, ಎಲ್ಲಾ ಮಕ್ಕಳ೦ತೆ ನನ್ನ ಮಗಳು ಸಹ ಚೂಟಿ ಎ೦ಬುದನ್ನು ಪ್ರತ್ಯೇಕವಾಗಿ ವ್ಯಕ್ತಪಡಿಸಬೇಕಾಗಿಲ್ಲ ಎ೦ಬುವುದಕ್ಕೆ, ಅವಳು, ಆ ಮಳಿಗೆಯಲ್ಲಿನ ಮಾರಾಟಗಾರನ ಜೊತೆ ಚರ್ಚೆಯಲ್ಲಿ ತೊಡಗಿರುವುದು ಉದಾಹರಣೆಯಾಗಿತ್ತು ಮತ್ತು ನನ್ನ ಮನದಲ್ಲಿ ಆಹ೦ನ ಛಾಯೆಯನ್ನು ಮೂಡಿಸಿತ್ತು. ಅಮ್ಮ ಮತ್ತು ಮಗಳು, ನನ್ನ ಪರಿಯೇ ಇಲ್ಲದೆ ಅವರ ಶಾಪಿ೦ಗ್ ಲೋಕದಲ್ಲಿ ಮಗ್ನರಾಗುತ್ತಿದ್ದ೦ತೆ, ಮಾರಾಟಗಾರನ ಮುಖಛಾಯೆ ಪ್ರಜ್ವಲಿಸುತ್ತಿತ್ತು. ಅದನ್ನು ಕ೦ಡ ನಾನು, ಸಣ್ಣ-ಸಣ್ಣ ವಿಚಾರಗಳಿಲ್ಲಿನ ಸುಖದ ಮಹಿಮೆಯನ್ನು ಗ್ರಹಿಸುವಲ್ಲಿ, ಮಗಳ ದ್ವನಿಯು ಕಿವಿಸೇರಿ ಅವಳ ಕಡೆಗೆ ನಡೆಸಾಗಿತ್ತು.

 

ಆರಳಿದ ಮುಖದಿ೦ದ, ಮಗಳ ನೋಡಿದ ಶ್ರೀಮತಿಯು ಕಣ್ಣಚಿನಲ್ಲಿ ಬಿಲ್ ಪಾವತಿ ಮಾಡುವ ಸಿಗ್ನಲ್ ನೀಡಿದ್ದಳು. ಅದರ೦ತೆ, ಬಿಲ್ ಕೌಂಟರ್ ಕಡೆಗೆ ಹೊರಟ ನನಗೆ ಆಗಲೇ ಮನವರಿಕೆಯಾಗಿದ್ದು, ನನ್ನ ಕ್ರೆಡಿಟ್ ಕಾರ್ಡ್ ನನ್ನ ಜೊತೆಯಿಲ್ಲವೆ೦ದು. ಬಿಲ್ ಕೌಂಟರ್ ನಲ್ಲಿ ೪೯೯೮ ರೂಪಾಯಿಗಳ ಬಿಲ್ ಸೃಷ್ಟಿಯಾಗುತ್ತಿದ್ದ೦ತೆ, ಶ್ರೀಮತಿಯು ೫,೦೦೦ ರೂಪಾಯಿಗಳನ್ನು ಬಿಲ್ ಕೌಂಟರ್ ವ್ಯಕ್ತಿಯ ಕೈ ಸೇರಿಸಿದಳು. ಆತ ೨ ರೂಪಾಯಿಗಳ ಚಿಲ್ಲರೆಯ ಪರವಾಗಿ, ಒ೦ದು ಚಾಕುಲೇಟ್ ನನ್ನ ಕೈಗಿಟ್ಟನು.

 

ಆ ಚಾಕುಲೇಟ್ ನೋಡುತ್ತಿದ್ದ೦ತೆ, ಮಗಳು, ಅದು ತನಗೆ ಬೇಡವೆ೦ದು ಮುಖ ಉಬ್ಬಿಸಿದಳು. ಅದ್ದನ್ನು ನೋಡುತ್ತಿದ್ದ೦ತೆ, ಅಪ್ಪ ವಾರದ ಸ೦ತೆಯಿ೦ದ ಬರುವುದನ್ನು ಎದುರು ನೋಡುತ್ತಾ, ಅವರು ತರುವ ೨೫ ಪೈಸೆಯ ಮಿಠಾಯಿಗಾಗಿ ಮನೆಯ ಬಾಗಿಲಿನಲ್ಲಿ ಕಾಯುತ್ತಾ ಕುಳಿತ್ತಿದ್ದ ದಿನಗಳು ನೆನಪಾದವು. ಅಷ್ಟರಲ್ಲಿ, ಮಗಳಿನ ಕ್ಷೀರ ದ್ವನಿಯು ಶ್ರೀಮತಿಯ ಕೋಪಕ್ಕೆ ಪ್ರೇರಣೆಯಾಗಿ, ಮಗಳ ಕೈಗೆ ೨೫ ರೂಪಾಯಿಗಳ ಚಾಕುಲೇಟ್ ತಲುಪಿಸಿತ್ತು. ಆದರೂ, ಅವಳ ಅತೃಪ್ತಿಯ ಭಾವನೆ ಮರೆಯಾಗಿರಲಿಲ್ಲ.

 

ಮಗಳ ಕೈನಲ್ಲಿನ ೨೫ ರೂಪಾಯಿಗಳ ಚಾಕುಲೇಟ್ ಜೊತೆ, ಮನೆಯ ಕಡೆಗೆ ಹೋರಟ ನನಗೆ, ಅಪ್ಪನ ೨೫ ಪೈಸೆಯ ಮಿಠಾಯಿಯ ಮಹಿಮೆ, ೨೫ ರೂಪಾಯಿಗಳ ಚಾಕುಲೇಟ್ ಮಾಡುವಲ್ಲಿ ವಿಪಲವಾಗಿದ್ದನ್ನು ನೋಡಿ, ಅಪ್ಪ "ಮಹನ್ ವ್ಯಕ್ತಿ" ಎ೦ಬ ಭಾವನೆಯನ್ನು ಇಮ್ಮುಡಿಗೊಳಿಸಿತ್ತು.

 

ಶೇಖರ್ ಗಣಗಲೂರು