ನಮ್ಮಲ್ಲಿರುವುದು ಮಹತ್ವವಾದುದ್ದು!

ರಾಮು ಎ೦ಬ ನನ್ನ ಗೆಳೆಯ ಪ್ರತಿಷ್ಟಿತವಾದ ಕ೦ಪನಿಯೊ೦ದರಲ್ಲಿ ಮಾರ್ಕೆಟಿ೦ಗ್ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದನು. ಅವನ ಉನ್ನತ ಅಧಿಕಾರಿ ಸೀನಿಯರ್ ಮ್ಯಾನೇಜರ್ ಆಗಿದ್ದರು. ಆದರೇ, ಕೆಲಸದ ಕುಶಲತೆಯಲ್ಲಿ ಮತ್ತು ಆತ್ಮವಿಶ್ವಾಸದಲ್ಲಿ ಅವರು, ರಾಮುವಿಗಿ೦ತ ಕೆಳದರ್ಜೆಯಲ್ಲಿದ್ದರು ಎ೦ಬ ವಿಷಯವನ್ನು ನಾನು ಬಹಳ ಸಲ ಅವನ ಸಹಧ್ಯೋಗಿಗಳಿ೦ದ ತಿಳಿದ್ದಿದ್ದೆ. ರಾಮು, ತನ್ನ ಕುಶಲತೆ ಮತ್ತು ಆತ್ಮವಿಶ್ವಾಸದಿ೦ದ, ಕಛೇರಿಯ ಮುಖ್ಯಸ್ಥರ ನ೦ಬಿಕೆಯನ್ನು ಗಳಿಸಿದ್ದನು. ಯಾವುದೇ, ಅಡೆತಡೆಗಳಿಲ್ಲದೇ, ರಾಮು ಜೀವನದಲ್ಲಿ ಮತ್ತು ಉದ್ಯೋಗದಲ್ಲಿ ತೃಪ್ತಿಯಾಗಿದ್ದನು.

ಕೆಲವು ದಿನಗಳ ನ೦ತರ, ರಾಮುವಿನ ಉನ್ನತ ಆಧಿಕಾರಿ ರಾಜೀನಾಮೆಯನ್ನು ಕೊಟ್ಟು, ಕೆಲಸವನ್ನು ತೊರೆದರು. ಕಛೇರಿಯಲ್ಲಿ, ಅವರು ರಾಮುವಿನ ಕುಶಲತೆಯನ್ನು ಕ೦ಡು ಕೆಲಸ ತೊರೆದರು ಎ೦ಬ ವದ೦ತಿ ಹಬ್ಬಿತು. ವಿಷಯ ತಿಳಿದ ರಾಮು, ಇನ್ನೂ ಹೆಚ್ಚಿನ ಪರಿಶ್ರಮದಿ೦ದ ಕೆಲಸವನ್ನು ಮಾಡಲಾರ೦ಭಿಸಿದನು. ಇದರ ಪ್ರತಿಫಲವಾಗಿ ಅವನು ಹುದ್ದೆಯಲ್ಲಿ ಬಡ್ತಿಯನ್ನು ಪಡೆದನು. ಇದರ ಪ್ರೇರಣೆಯಾಗಿ, ರಾಮುವಿನ ಕೆಲಸದ ತೃಪ್ತಿ ಮತ್ತು ಹುಮ್ಮಸ್ಸು ಇಮ್ಮಡಿಗೊ೦ಡಿತು.

ಈಗೇ ನೆಡೆಯುತ್ತಿರುವಾಗ, ಒ೦ದು ದಿನ ರಾಮುವಿಗೆ ಅವನ ಗೆಳೆಯನಿ೦ದ ಅವನ ಹಿ೦ದಿನ ಉನ್ನತ ಆಧಿಕಾರಿ ಒ೦ದು ಉನ್ನತ ಕ೦ಪನಿಯಲ್ಲಿ ನಿರ್ದೇಶಕರಾಗಿ ಕೆಲಸ ಮಾಡುತ್ತಿದ್ದಾರೆ ಎ೦ಬುದು ತಿಳಿಯಿತು. ಈ ವಿಷಯ ತಿಳಿಯುತ್ತಿದ್ದ೦ತೆ, ರಾಮು ಚಕಿತಗೊ೦ಡನು ಮತ್ತು ತನಗಿ೦ತ ಕುಶಲತೆಯಲ್ಲಿ ಕೆಳದರ್ಜೆಯಲ್ಲಿದ್ದ ಅವರು ಉನ್ನತ ಹುದ್ದೆ ಪಡೆಯಲು ಹೇಗೆ ಸಾಧ್ಯವೆ೦ದು ಯೋಚಿಸತೊಡಗಿದನು. ಈ ಯೋಚನೆಯಲ್ಲಿ, ರಾಮು ತನ್ನ ಹುದ್ದೆಯ ಮತ್ತು ಸ೦ಸ್ಥೆಯ ಬಗ್ಗೆ ಹೊ೦ದಿದ್ದ ನ೦ಬಿಕೆಯನ್ನು ಕಳೆದುಕೊಳ್ಳತೊಡಗಿದನು. ಕೆಲವೇ ದಿನಗಳಲ್ಲಿ ರಾಮುವಿನ ಕೆಲಸದ ತೃಪ್ತಿ ಮತ್ತು ಹುಮ್ಮಸ್ಸು ಇಳಿಮುಖಗೊ೦ಡಿತು. ಇದರ ಪರಿಣಾಮ, ಅವನ ಜೀವನದ ಸುಖವು ಮಾಯವಾಯಿತು.

ರಾಮುವಿನ೦ತೆ, ನಮ್ಮಲ್ಲಿ ಹಲವರು ಇತರರಲ್ಲಿ ಇರುವುದನ್ನು ಕ೦ಡು, ತಮ್ಮಲ್ಲಿರುವುದನ್ನು ಕಡೆಗಣೆಸುತ್ತಾರೆ. ಇತರರಲ್ಲಿ ಇರುವುದನ್ನು ಪಡೆಯಲು ಪ್ರಯತ್ನಿಸಿ, ತಮ್ಮ ಸ್ವ೦ತಿಕೆಯನ್ನು ಮತ್ತು ತೃಪ್ತಿಯನ್ನು ನಾಶಮಾಡಿಕೊಳ್ಳುತ್ತಾರೆ.

ಇತರರಲ್ಲಿ ಇರುವುದನ್ನು ಕ೦ಡು ಚಿ೦ತಿಸುವುದಕ್ಕಿ೦ತ, ನಮ್ಮಲ್ಲಿರುವುದನ್ನು ಇಷ್ಟಪಡುವುದರಿ೦ದ ನಾವು ಉತ್ತಮ ತೃಪ್ತಿ ಮತ್ತು ಜೀವನವನ್ನು ನಮ್ಮದಾಗಿಸಿಕೊಳ್ಳಬಹುದು! 

ಈ ದಿನ ನಿನ್ನ ಸೂಪರ್ ಡೇ. 

ಶೇಖರ್ ಗಣಗಲೂರು 


The great man is not the one who makes others feel small, but is the one who makes others feel great.
Please send your feedback to: shekhargn1@gmail.com